 |
| اللوج لاين |
الناس اللى مش فاهمه ايه هو اللوج لاين ..وحاسين انه صعب عليهم .
على فكره هو سهل اوى لو فهمت الحدوته..
تعالوا مثلا لـ قصة سيدنا يوسف . كفكرة مبدئية ... وهتندهشوا لما الخصهالكوا فى كلمتين بالظبط ..
كلمتين بالعدد فقط لا غير !!!
الكلمتين هما
( تاه و لاقوه )
يعنى طفل تاه وفى النهاية اهله لاقوه صح ؟.
هى دى الفكرة . او التيما . لكن الاحداث بداخل كل قصة بخصوص ( طفل تايه ) اكيد هتكون مختلفه .وهتلاقى افلام كتير فكرته عن ابن او ابنه مخطوفة - مثلا فيلم العفاريت بتاع عمرو دياب . فيلم هارى بيرى kidnap . جعفر العمدة لمحمد رمضان .. أعمال كتير اوى فكرتها الاساسيه طفل ضاع سواء بقى مخطوف او تاه .
يعنى ( تاه ولقوه ) ممكن تبقى - ( اتخطف ولقوه) .
فكرة تانية ( مراته اتقتلت وانتقم ) ( حرامى وتاب ) كل دى افكار ممكن بزيادة بعض الكلمات الخفيفة اوى تبقى لوج لاين قوى - واتمنى يبقى الشرح وصل واتفهم .
نيجى بقى للملخص
الملخص ايه هو ؟
هو تفنيط اللوج لاين باختصار شديد اوى .
يعنى : لو قلنا تاه ولقوه بتاعت سيدنا يوسف
يبقى الملخص هو : ان اخواته رموه فى البير بسبب ان ابوهم بيحبه اكتر وقالوله ان الديب اكله .
لاقوه ناس ربوه معاهم وبعدين امرأة العزيز راوودته عن نفسه .
رفض .
اتسجن .
وكان عنده ملكة تفسير الاحلام .
فسر حلم لصاحبية .
خرج صاحبيه حكوا للملك اللى كان عنده رؤيه مش فاهم معناها .
خرج يوسف وفسر الحلم ومسك حكم مصر.
لاقى اخواته جايين ياخدوا من عنده بضاعه .
وفى النهايه يوسف رجع لآبيه ولآمه وهو عزيز مصر .
المعالجة بقى ايه هى ؟
نمسك كل حته وسطر من الملخص ونفسرها .
يوسف كان الاخ الاكبر ولا الاصغر لدى ابيه؟ .
كان عنده كام اخ ؟
كان اخواته بيحبوه ولا غيرانين منه؟
اتفقوا على قتله ازاى؟
قالوا لابوهم هاتوا معانا يلعب ويمرح .
وهو خاف لا ياكله الديب .
بس هما اصروا وخدوه ...وناس لاقوه ..
ناس مين ؟
ولاقوه ازاى .
وفين ؟. وباعوه ولا اتبنوه ؟
كل ده بناء درامى بتألفه انت عشان تعمل حدوتة متكاملة ... الخ....
بس كده ... الموضوع سهل والله لو فهمتوا الفكرة . وبدون كورسات بالوفات مؤلفة ولا اى شىء .. بس لازم يبقى عندك الشغف والدارسه والفهم وتقرا وتتفرج كتير بعين المشاهد اول مرة . ثم بعين الكاتب ثانى وعاشر مرة
وده لوج لاين لاقيته عند صديق ليا قلت اعرضه هنا . عشان الناس تستفيد بيه لفيلم بطل من ورق
احسنتم جزاكم الله خيرا على مساعدتكم هذه.....لكم كل الشكر و التقدير
RépondreSupprimerشكرا لذوقك
Supprimer